अंजली वाघमारे...

अंजली वाघमारे यांची कसाबच्या वकील म्हणून नियुक्ती करण्यात आली होती. जेव्हा त्यांची नियुक्ती करण्यात आली तेव्हा त्यांच्या घराबाहेर शिवसैनिकांनी निदर्शनं केली. वाघमारे यांच्यावर केस घेतल्याने बराच दबाव आला होता. त्यातच के.बी.एन.लाम नावाच्या एका वकीलाने ( या वकील महाशयांनीही कसाबचं वकीलपत्र मिळावं यासाठी हरत-हेचे प्रयत्न केले होते) वाघमारे यांच्याविरुद्ध विशेष कोर्टापुढे एक अर्ज सादर केला. ज्यात अंजली वाघमारे यांनी 26/11 च्या हल्ल्याचे साक्षीदार हरिश्चंद्र श्रीवर्धनकर यांचं वकीलपत्र घेतलं होतं,. लाम यांनी यामुळेच वाघमारे यांच्या नियुक्तीला विरोध केला होता त्यांच्या अर्जात त्यांनी म्हटलं होतं की एकच वकील साक्षीदार आणि आरोपीचं वकीलपत्र कसं घेऊ शकतो. या मुद्दावरून विशेष कोर्टाने निर्णय घेतला की अंजली वाघमारे यांना हा खटला कसाबच्या वकील म्हणून लढवता येणार नाही. कोर्टाने तातडीने आदेश दिले की कसाबसाठी नवीन वकील ताबडतोब शोधण्यात यावा. यामुळे नवीन पेच निर्माण झाला की आता कसाबतर्फे केस लढणार कोण ?