पुरवा बाबांनो माझे चोचले...मला लागले शिक्षेचे डोहाळे...

मला हवं परफ्युम...आणि हवी सुगंधित पेस्ट...कसाबचे लाड दिवसेंदिवस वाढतच चाललेत. टाईमपास होत नाही म्हणून कसाबने आता जेलच्या व्हरांड्यात फिरण्याची परवानगी मागतिलीय. इतकंच नाही तर त्याने उर्दू पेपर वाचायला मिळावा अशी विनंतीही कोर्टाला केलीय. कसाबने त्याचे वकील अब्बास काझमी यांच्यामार्फेत त्याच्या या मागण्या कोर्टापुढे ठेवल्या आहेत. कसाबने पत्राद्वारे आपल्या या मागण्या काझमी यांना कळवल्या होत्या. हे पत्र काझमी यांनी कोर्टापुढे ठेवलं. पेपरची मागणी ऐकल्यावर कोर्टाने कसाबला विचारलं तुला कोणता पेपर हवा वाचायला. यावर कसाबने मला उर्दू टाईम्स हवा असं सांगितलं. अटक करतेवेळी माझ्याकडून जी रक्कम जप्त करण्यात आली होती ती आपल्या कारागृहातील खात्यावर जमा करावी अशी मागणीही कसाबने केली आहे. एकाच कक्षात राहून माझे मानसिक संतुलन ढळत चाललंय, आणि त्यामुळे व्हरांड्यात फिरण्याची परवानगी द्यावी अशी मागणी कसाबने केलीय.