कसाबला मिळाला नवा वकील

ज्या दिवशी अंजली वाघमारे यांना कसाबच्या वकील म्हणून खटला लढवता येणार नाही हा निर्णय विशेष कोर्टाने दिला त्याच दिवशी कोर्टाने कसाबसाठी दुसरा वकील देण्याचा निर्णय घेतला. १६ एप्रिल २००९ ला अब्बास काझमी यांची कसाबचे वकील म्हणून नियुक्ती करण्यात आली. काझमी यांनी १९९३ च्या बॉम्बस्फोट खटल्यात अमायकस क्यूरी(कोर्टाचा मित्र) म्हणून काम केलं होतं. काही काळ सौदी अरेबियामधील जेद्दाहमध्ये एका कंपनीत काम केल्यानंतर काझमी यांनी पुन्हा मुंबईत येण्याचा निर्णय घेतला. के.सी.कॉलेजमधून त्यांनी लॉ केलंय. कसाबचा वकील म्हणून मी यापुढे खटला लढवणार असून, मी माझं कर्तव्य बजावण्यात कुठेही कसूर ठेवणार नाही असं काझमी यांनी स्पष्ट केलं. काझमी जसं बोलले तसं त्यांनी करूनही दाखवलं.