आरोपींविरूद्ध ३१२ आरोप प्रस्तावित

मुंबईवरील अतिरेकी हल्ल्याप्रकरणी विशेष सरकारी वकीलांनी कोर्टासमोर आरोपींविरुद्ध नेमके किती आरोप आहेत हे सांगितलं. आरोपींविरुद्धचा ३१२ आरोपांचा मसुदा निकम यांनी कोर्टासमोर सादर केला. हा मसुदा बहुधा सर्वात मोठा मसुदा असण्याची शक्यता आहे. या आरोपांमधले मुख्य कोणकोणते आरोप आहेत ते पाहूयात.

१) लष्कर-ए-तय्यबा या दहशतवादी संघटनेच्या इशा-यावरून कट रचून भारताविरुद्ध युद्ध पुकारणे

२) कटासाठी समुद्रामार्गे शस्त्रास्त्र आणि स्फोटकांसह बेकायदेशीरपणे भारतात आणणे

३) तीन वरिष्ठ पोलीस अधिकाऱ्यांसह १६६ जणांचा खून

४) २३४ जणांच्या हत्येचा प्रयत्न

५) स्फोट घडवून किंवा आग लावून सरकारी व खाजगी मालमत्तेचे नुकसान करणे

या मुख्य आरोपांशिवाय पासपोर्ट अ‍ॅक्ट, रेल्वे अ‍ॅक्ट, शस्त्रास्त्र कायदा, बेकायदेशीर कारवाई प्रतिबंधक कायदा, स्फोटके कायदा या कायद्यांतर्गतही काही आरोप आरोपींविरुद्ध प्रस्तावित आहेत.