पहिल्या साक्षीदाराने नोंदवली साक्ष

ती काळरात्र आठवताना पहिल्या साक्षीदाराच्या अंगावरही काटा आला असेल. मुंबई हल्ला प्रकरणात विशेष कोर्टामध्ये ८ मे रोजी पहिल्या साक्षीदाराने आपली साक्ष नोंदवली. हा साक्षीदार दुसरा तिसरा कोणी नसून गिरगांव चौपाटीवर घटनेच्या दिवशी हजर असलेले सहाय्यक पोलीस निरीक्षक भास्कर सावंत होते. सावंत यांनी कसाबकडे बोट दाखवत हाच तो दहशतवादी आहे ज्याने शहीद सहाय्यक पोलीस निरीक्षक तुकाराम ओंबळे यांना ठार केलं. कसाबला पाहताना सावंत यांच्या डोळ्यासमोर सगळा प्रसंग पुन्हा एकदा आला असेल. त्यांनी त्या रात्री जे काही घडलं ते कोर्टाला सांगितलं. कदम यांनी जेव्हा कसाबला बघितलं

तेव्हादेखील कसाब त्याच्या नेहमीच्या मठ्ठ स्टाईलमध्ये हसत होता. त्या चक्रमाला माहितही नव्हतं की समोरचा माणूस काय बोलतोय. तरीही ते येडं हसतच होतं. कदम यांनी कोर्टाला सांगितलं की ज्या दिवशी हल्ला झाला तेव्हा ते रात्रपाळीला होते. हल्ल्याच्या माहिती मिळाल्यानंतर वरिष्ठांच्या आदेशानुसार कदम मरीन ड्राईव्हवरील ‘कॅफे आयडियल’समोर नाकाबंदीसाठी चौपाटीवर आले. तिथे ओंबळे आणि स.पो.नि संजय गोविलकरदेखील पोचले. त्याचवेळी कंट्रोल रूममधून मेसेज आला की एक स्कोडा कार विधानभवन इथून चौपाटीकडे येत आहे. ती गाडी जवळ येताच सगळ्यांनी ती थांबवण्याचा प्रयत्न केला. मात्र थोडावेळी थांबून गाडीचालकाने पुन्हा भरधान वेगाने गाडी दक्षिण मुंबईकडे वळविण्याचा प्रयत्न केला,पण त्यांची गाडी डिव्हायडरवर आदळली. त्याचबरोबर कदम गाडीचालकाच्या दिशेने पुढे सरकले. गाडीचालकाने खिडकीतून कदम यांच्यावर गोळीबार केला. कदम यांनीही प्रत्युत्तरादाखल गोळीबार केला. त्याचवेळेस चालकाच्या बाजूला बसलेला दहशतवाद्याने गाडीचे दार उघडून रस्त्यावर पडल्याचे सोंग केले. त्यामुळे त्याला पकडण्यासाठी ओंबळे पुढे सरसावले. पण त्याच्या हातात एके-४७ दिसताच त्यांनी त्याच्यावर झडप घातली आणि त्या दहशतवाद्याने ओंबळेंवर गोळ्या झाडल्या. त्यानंतर गोविलकर यांनी त्या दहशतवाद्याच्या हातातील रायफल हिसकावून घेतली. त्यानंतर अन्य पोलिसांनी त्या दहशतवाद्याला चोपले व ताब्यात घेतले. हा सगळा प्रसंग कदम यांनी कोर्टाला सांगितला.