कसाब एक चिंधी चोर

मुंबईवर हल्ला करणारा कसाब जिहादी वैगरे नसून तो पैश्यांसाठी हावरा असलेला एक चिंधई चोर असल्याचं एका घटनेवरून स्पष्ट झालं. चकमकीत अबू इस्माईलला ठार केल्यानंतर त्याच्याकडून काही पैसे हस्तगत करण्यात आले होते. साक्षीदरम्यान तपास अधिकारी या पैशांची ओळख पटवत असताना कसाब पैश्यांकडे असा काही पहात होता, की त्याच्या तोंडातून केव्हाही लाळ गळेल असं वाटत होतं. ही बाब जज एम.एल तहिलयानी यांच्याही निदर्शनातून सुटली नाही. तहिलयानी लगेच उद्गारले की अरे " ते पैसे लपवा, जर कसाबने हे पैसे पाहिले तर तो रडायला लागेल आणि माझे पैसे मला परत द्या असा हट्ट करेल " तहिलयानी यांच्या या वाक्यानंतर कोर्टात असा एकही मनुष्य नव्हता जो हसला नाही. याआधीही कसाबने मला अटक करताना माझ्याकडे असलेले ५ हजार ४०० रूपए जप्त करण्यात आले होते, त्या पैश्यांचं काय झालं असा सवाल कसाबने विचारला होता. कोर्टामध्ये गिरगांव चौपाटी चकमकीप्रकरणी कसाबविरुद्ध पहिल्यांदा खुनाचा गुन्हा दाखल करून घेणारे डी. बी. मार्ग पोलीस ठाण्याचे पोलीस निरीक्षक व तपास अधिकारी विनोद सावंत यांची साक्ष नोंदविण्यात आली.