मला परत सदस्यत्व द्या हो...

Thursday, 21 May 2009




कसाबचे वकील अब्बास काझमी यांचं सदस्यत्व इस्लामिक जिमखान्याने रद्द केलं. याला काझमी यांनी विशेष कोर्टामध्ये आव्हान दिलंय. काझमी यांनी आपल्या अर्जात जिमखान्याने कोर्टाचा अवमान केला असून त्यांच्यावर कायदेशीर कारवाई करावी अशी मागणी विशेष न्यायालयाचे न्यायाधीश एम. एल. टहलियानी यांच्याकडे केली. कसाबचे वकील म्हणून विशेष न्यायालयाने त्यांची नियुक्ती केली आहे. त्यामुळे आपल्यावर सोपविलेले काम आपण प्रामाणिकपणे पार पाडत आहोत. परंतु विश्वस्त मंडळावरील सदस्यत्व रद्द करून आणि विविध आरोप करून जिमखान्यातर्फे आपल्याला या कामापासून परावृत्त करण्याचा प्रयत्न केरत आहे असा आरोप काझमी यांनी केलाय. त्यामुळे जिमखान्याच्या अध्यक्षांना कारणे दाखवा नोटीस जारी करावी, अशी मागणी अ‍ॅड. काझ्मी यांनी केली आहे. दरम्यान, कसाब व अन्य आरोपींविरुद्ध भारताविरुद्ध युद्ध पुकारण्याचा मुख्य आरोप ठेवण्यात आला आहे. मात्र या त्यात जम्मू आणि काश्मीर मिळविण्यासाठी हल्ला केला गेल्याचे नमूद नाही. त्यामुळे ते त्या आरोपांच्या कारणांमध्ये नमूद करावे, अशी मागणी आज अभियोग पक्षाचे वकील उज्ज्वल निकम यांनी एका अर्जाद्वारे केली. आरोपांमध्ये अभियोग पक्षाने प्रस्तावित केलेले सर्व तपशील येणे गरजेचे नाही. त्यामुळे जम्मू आणि काश्मीरसाठी हल्ला केल्याचे आरोपात नमूद नसले तरी फारसा पडक पडणार नसल्याचे न्या. टहलियानी यांनी स्पष्ट करण्याचा प्रयत्न केला. मात्र निकम यांच्या विनंतीनंतर न्यायालयाने त्यांचा अर्ज दाखल करून घेतला

0 comments:

About This Blog

Lorem Ipsum

  © Free Blogger Templates Nightingale by Ourblogtemplates.com 2008

Back to TOP