पाकिस्तान्यांनो जरा ऐका हे

मुंबईवर हल्ला करणारे पाकिस्तानी नव्हते अशा छातीठोक दावा करणा-या आणि नंतर आपल्या विदानापासून पलटणा-या पाकिस्तान्यांनी जरा डी.बी.मार्ग पोलीस स्टेशनचे सहाय्यक पोलीस निरीक्षक पांडुरंग गावडे यांची कोर्टातली जबानी एकदा ऐकावी. गावडे यांनी जखमी कसाबला आणि त्याच्या साथईदाराला नायर हॉस्पीटलमध्ये नेलं होतं. यावेळी त्यांना कसाबने त्याच्या वयाबरोबर तो पाकिस्तानचा असल्याचंही सांगितलं होतं (आता आणखी किती पुरावे द्यावेत ? ) गावडे यांच्या व्यतिरिक्त कोर्टामध्ये १३ मे रोजी आणखी तीन साक्षीदारांची साक्ष नोंदवण्यात आली. यात वायरलेस ऑपरेटर सुधीर देसाई अतिरिक्त पोलीस आयुक्त अशोक कामटे यांना नायगांवच्या शस्त्रागारातून शस्त्र देणारे अतिरिक्त सहाय्यक निरीक्षक अरूण जांदे आणि संजय जाधव यांचीही साक्ष नोंदवण्यात आली.