फहिमच होता अतिरेक्यांचा "मार्ग"दर्शक

आत्तापर्यंत खटल्यामध्ये फक्त कसाब एके कसाब असंच चालू होतं. इतर दोन आरोपींबाबत काहीच ऐकू येत नव्हतं. मात्र १८ एप्रिलला एका पंचाने फहिमने हल्ल्यामध्ये कशी भुमिका बजावली हे कोर्टाला सांगितलं. पाकिस्तानी दहशतवाद्यांना टार्गेट पर्यंत पोचता यावं यासाठी फहिम ने नकाशे तयार केले होते. गिरगांव चौपाटीवर झालेल्या चकमकीत ठार झालेल्या अबू इस्माईलकडून सीएसटी, चौपाटी, मलबार हिल या ठिकाणांपर्यंत पोहोचण्याची दिशा दाखविणारे नकाशे सापडले होते. त्यामुळे फहिमची कटामध्ये महत्वपूर्ण भुमिका असल्याचं विशेष सरकारी वकीलांनी कोर्टाला सांगितलं. अबू इसमाईलच्या मृतदेहाचा आणि कसाबच्या कपड्यांचा पंचनामा करणारे शिवाजी शिवलेकर यांनी या नकाश्यांबाबात कोर्टावला मिहीती दिली. अबू इस्माईलच्या खिश्यातून चुरगळलेला कागद सापडला होता ज्यावर काही ठिकाणांची नावं लिहली होती तो कागद शिवलेकर यांनी कोर्टात ओळखला. कसाबच्या कपडय़ांच्या पंचनाम्यादरम्यान बंगळुरू येथील महाविद्यालयाचे ओळखपत्र सापडलं होतं. समीर चौधरी नावानं असलेल्या या आय.डी.वर कसाबचा फोटो होता. शिवलेकर यांनी कोर्टामध्ये असलेल्या कसाबची ओळख पटवली. शिवलेकर यांच्याशिवाय शहीद सहाय्यक उपनिरीक्षक तुकाराम ओंबळे यांच्या मृतदेहाचा आणि त्यांच्या कपडय़ांचा पंचनामा करणा-या राजा वसईकर यांचीही साक्ष नोंदविण्यात आली. २६ / ११ च्या रात्री शिवलेकर यांनी आपल्या मित्राला अपघात झाल्याने त्याला पाहण्यासाठी नायर हॉस्पीटलमध्ये गेल्याचं कोर्टाला सांगितलं. यावर फहिमचे वकील शाहीद आझमी यांनी शिवलेकर खोटं बोलत असल्याचा. ज्या मित्रासोबत शिवलेकर हॉस्पीटलमध्ये गेले त्याला न कळविताच ते रुग्णालयातून परस्पर घरी का गेले असा सवाल आझमी यांनी केला. शिवलेकर त्या रात्री रुग्णालयात गेलेच नव्हते, तर मित्राला पाहायला गेले होतो, असे ते खोटे सांगत आहेत, असा आरोपही आझमी यांनी केला. पोलिसांनी तयार केलेल्या पंचनाम्यावर शिवलेकर यांनी नंतर सही केल्याचं आझमी यांनी कोर्टाला पटवून देण्याचा प्रयत्न केला. हे सर्व आरोप शिवलेकर यांनी फेटाळून लावलेत