२९ दिवस ३० साक्षीदार...

खटल्याला बुधवारी म्हणजेच २६ मे रोजी २९ दिवस पूर्ण झाले. या २९ दिवसांमध्ये न्यायालयामध्ये तब्बल ३० साक्षीदारांनी आपली साक्ष नोंदवली. बुधवारी भरत तामोरे यांनी कोर्टामध्ये साक्ष नोंदवण्यात आली. तामोरे यांनी २६ नोव्हेंबरला कसाब आणि त्याच्या साथीदारांना बधवार पार्क इथे उतरताना पाहीलं तामोरे यांनी या दहा जणांना पाहून प्रश्न विचारला होता की तुम लोग कहॉं से आये हो यावर सर्वात पुढे असलेल्या कसाबने, हम स्टुडंट हैं असं उत्तर दिलं. कसाबचा साथीदार अबू ईस्माईलने उद्धटपणे तुमको क्या करना है असं तामोरेंना उत्तर दिलं. बधवार पार्क इथे उतरलेल्या सर्वच्या सर्व म्हणजे आठ जणांच्या पाठीवर सॅक व हातात काळी हॅण्डबॅग होती. तामोरे न्यायालयात बसलेल्या कसाबला ओळखलं. तामोरे यांनी यापूर्वी अबू इस्माईलच्या मृतदेहाची ओळखही पटवली आहे. तामोरे ताज हॉटेलमध्ये काम करतात, ज्या दिवशी हल्ला झाला त्या दिवशीही ते कामावर गेले होते. मात्र त्यांना कल्पना नव्हती की ज्यांना त्यांनी हटकलं होतं त्यांपैकीच काही जणांनी मुंबईत हल्ला केलाय. तामोरे यांच्याव्यतिरिक्त प्रशांत धनू या तरूणानेही साक्ष नोंदवली. साक्षीदरम्यान त्याने कोर्टात दाखवण्यात आलेली काळ्या पिवळ्या रंगाची रबरी डिंगी (छोटी बोट) ओळखली. याच डिंगीतून सर्व अतिरेकी मुंबईच्या किना-यावर आले होते.